التك تك

بتاع التك تك 

التك تك 

هل التك تك مشروع ناجح ؟ وهل سائق التكتك رائد أعمال صغير؟ 

التك تك هو أساسا اختراع ياباني قديم كا يعمل بعجلتين بس وكان ساعتها بيجره او بيسحبه شخص ما وكان دوره ان بيوصل الناس في اماكن محدوده ومع التطور وصل للي احنا عارفينو دلوقتي  

التك تك ابو موتور وابو تلت عجلات ولما انتشر في الوطن العربي وبقا ليه دور مهم في الحياه بقت اعداده بالملايين في الدول العربيه خصوصا مصر والعراق وهتكلم هنا عن 

التك تك  في مصر هل التك تك دا مشروع فاذا كنت سواق تك تك او مالك ليه فخليك معايا علشان هتستفاد اوي من الكلام دا . 

التك تك هو وسيله نقل من مكان لمكان مقابل اجر بيدفعه الراكب للسواق ومعدل التوصيله الواحده من عشر دقائق الي نصف ساعه ومعدل الدفع مقابل التوصيله من خمسه جنيه الي خمسسين جنيه وما لاحظته ان كل او معظم سائقي التك تك بيشتكو من قله الموارد او قله الدخل ويمكن دا سببه ان مستوي التعليم بيكون متدني جدا لاصحاب التكاتك غالبا يا مفيش شهاده يا تعليم متوسط الا عدد قليل جدا من المؤهلات العليا فبتالي قله الثقافه بتخلي سواق التكتك متبرمج علي الشكوي اساسا حتي قبل ميبقا سواء تكتك فالنصيحه الأولي لاي صاحب تك تك 

1- متشتكيش ابداوقل دائما الحمد لله . 

تاني جزئيه ان معظم سواقين التك تك بيتعاملو مع الراكب بنظره ديقهجدا وكل هدفه ان ياخد اكتر فلوس علي التوصيله بغض النظر هيا تساوي كام وبيتعامل مع الراكب علي انه مش هيشوفه تاني فتلاحظ عند نهايه التوصيله الراكل يساله عاوز كامفيكون الرد ( الي تجيبو يبيه ) علي أمل ان الراكب يدفع اكتر وفي حاله مدفعش المبلغ الي في دماغ السواق يبدأيتعصب ويطلب أكتر وتبدأ المشاحنات بينه وبين الراكب ، دي نظره ضيقه جدا من السواق . 

هو مش بيربي زيون 

هو مش واثق في نفسه 

هو شغال غلط ومش مصدق انه رجل اعمال 

2- لا تجادل علي تمن التوصيله 

طب ليه ياعم بتقولي كدا دنا طالع اكل عيش ، صديقي سائق التك تك ورائد الأعمال الصغير تعالي نعمل خطه اذا كان طموحك هو 100 جنيه في اليوم او 200 جنيه مثلا ، ليه يبقاش عندك خطه محكمه انك تنفذ دا بذكاء ، بمعني السنه الأولي ليك انتا هتشتغل علي هدف واحد هو انك تكسب ود وصداقات الركاب الي بيركبو معاك خصوصا الي شوفتهم أكثر من مره وركبوا معاك أكثر من مره ، الخطه دي هدفها هو انك تحصل علي 500عميل ثابت من رواد ركوب التكتك الدائمين.

طب ازاي ؟ 

1- لا تجادل علي ثمن التوصيله 

2- اذا سالك اوز كام قول الحق ومتزودش ولو تقدر تقلل خمسه جنيه عن زمايلك تبقا صح جدا . 

3- متشغلش الاغاني الي انتا بتحبها ، اسال الراكل تحب تسمع ايه؟

4- خلي مستوي الصوت مناسب للراكب 

5- اديلو رقم تليفونك بعد متديلوا سعر رخيص 

6- متتكلمش ومترغيش فلي ملكش فيه 

7- البس كويس 

8- متروحش مشوارين في مشوار والراكب متذنب جنبك 

9- اسال العميل بيركب التك تك كام مره في الاسبوع 

وحجات تانيه كتير تقدر بيها ومن خلالها تكسب ود العميل اهمهم اديلو سعر مناسب للتوصيله واديلو رقم تليفونك واتاكد انه سجله معاه باسمك ، لو عملت الحجات دي هتبأ مع الوقت تعمل قاعده عملا بوصولهم للرقم 100 بس هتبدا تجيلك اتصالات كل يوم منهم علي توصيلات مختلفه لانهم خلاص وثقوا فيك ولمعلوماتك الراكب او الزبون مبيحبش التغيير يعني لو حبك واتعامل معاك موش هيغيرك غير الا لما تعمل معاه موقف وحش او تخنقه باي تصرف هو موش حابه .

بعد مرور شويه وقت هتلاقي ال 200 ج اليوميه الي هيا هدفك بتتعمل بس من زباينك الثابتين الي انتا تعبت علي معملتهم وبكدا تقدر تثبت دخل ليك ممتاز .

الخطوه التانيه في اوقات فراغك او راحتك في البيت تركنش اتكتك بتاعك لا اجره لواحد امين يطلع عليه ورديه انتا هتستفيد وهو هيستفيد وكدا كدا انتا موش خسران حاجه لكن بشروط 

• يكون امين 
• يعل الصيانه 
• يمشي بنفس اسلوبك وهو رضا العميل او الراكب 

بكدا ممكن تبدأ تعمل فلوس كويسه وتثبت دخل من خلاله تقدر تكبر مشروعك ويبقاعندك بدل التك تك اتنين وتلاته لان سياسه رضا الراكب والتواصل معاه مفيش حد من سواقين التكتك بيتبعها فهتكون انتا المييز الي في وسطهم وهتتشهر جدا .